Die Summerhitz sie isch vaglüht un s’schwitze längschd vagesse
Jetzt wird gerüschdet zu dem Feschd s’werd g’werklt un werd gemesse.
Portugieserfeschd heißt die Devise un koner leßt sich halte.
Die Vorschläg iwerschlage sich zum Schluss bleibt’s doch beim alde.
Jeder kummt uff seine Koschde vum Startschuss bis zum Faierwerk
die Eröffnungsreden vollen Lobes uff unser Feschd en Malschenberg
Es trifft sich hier was Rang un Name vum kleenschde Kind bis hin zum Greis
Kinner derfe Kettereitschul fahre un d‘ Erwachsene interessiert de Preis
Zu esse un zu trinke git’s, kannsch deim Lieblingsesse fröne
Die Speisekart mol runner – nuff, de Schankwirt dhut dich gern vawöhne.
Beim Feschdzug winkt die Portugieserkeenichin Jasmin, mit ihrem volle Becher,
wünschd allen Frohsinn, Heiterkeit un viele Lait als Zecher.
Dem Petrus gewe mir e Chance un bitten ihn, dass er sie nützt
Un uns beim Portugieserfeschd feiern mit gutem Wedder unerschdützt.
Ludwine Müller
